دابا شي حد فينا خصو يمشي، يا هوما، يا حنا. هذا ما كنت كنقول لنفسي وأنا كنتابع تصريحات الناس لي باغين يترشحو عندنا ثاني و ثالث و رابع .واش هاذ الناس مكيشوفوش كل ما وقع في الساحة العربية من حراك و روينة ، زعزعت المعتقدات ديال لعرب كاملة و طيحات ديكتاتوريات حتى حد ماكان يحلم حتى بإصلاحها ما بقى غير تنحيتها ، وكلشي ولى متيقظ حذر بحال لي كيمشي على البيض خوفا من سقوط كل المعابد على كل الرؤوس. لكن لسياسيينا رأي آخر في الموضوع.
في الكارة ديالنا السياسيين كيعتقدو أنه يكفي كل مرة قال فيها الملك كلام جديد حول تخليق الحياة السياسية فعلا، حول دمقرطتها،أنو يكفي أنهم يبركو في القهوة مباشرة بعد الخطاب ديال المليك و يبداو يعرضو و يفهمو على الحاشية ديالهم و الناس البسطاء لي كيتسناو فيهم غير يخلصو عليهم قهيوة من هاذ البلابلة كلها. و هاذ الشياشيين ديالنا حيث كاين فيهم لي كيضرب الشيشة كيبغيو زعما يوصلو بان الرسالة الملكية وصلت : أولاهيلا سيدنا دوى (ومالو كان ساكت راه دوى) و حنا كاملين متافقين معاه و ضد الفساد وضد كل المظاهر السلبية التي تنخر البلد من القديم إلى الحديث من الوقت الحزين. آلخوت، سمحو ليا، ولكن راها ما مسلكاش هاد القضية.ما يمكنش ليكم تقنعونا أن الملك كيخاطب كل مرة كائنات وهمية لا وجود لها على أرض الواقع، أو أنو كيتحدث عن أشياء ماشي واقعية ملي كيخطب باستمرار مطالبا بالقضاء على الكثير من السلبيات في المشهد السياسي المحلي.علاه المليك علامن داوي من غير عليكم ،و إلا خاصكم تقولو لينا من يقصد الملك بخطاباته تلك إذا كنتم أنتم جميعا نزهاء أتقياء مؤمنين بالعمل السياسي الفائض الأخلاق، والموغل في احترام كل شيء؟ بل حتى الباشا و الشاف ديال الجدارمية و الشاف ديال المخازنية و رؤساء المصالح و غيرهم من مسؤولين حيث الخطابات الملكية كيتفرجو فيها مجموعين و غير هوما تبارك الله ، حتى هوما موافقين و قابلين ولكن غير بالهضرة أما الخدمة و تقول.
كاين شي مشكل نتاع تواصل حقيقي كيخلي الكلام بين الشعب مادام الملك باغي يستاجب للشعب وبين الشياشيين ديالنا كيضيع في شي بلاصة بين دوار شويرفة و واد بوعسيلة حيث التعليمات الملكية كتمر عبر العمالة باش توصل للكارة و لكن ملي هاذ التعليمات كتشد الطريق جاية للكارة مكتوصلش ، علاش ؟ أنا كنقول القضية ما بين دخلة الكارة و الواد و كاين لي كيقول أن القضية في طريق برشيد كاملة مع كثرة الحفاري و تدرديف الطاكسيات لي عمرها من عمر بعض الشياشيين ديالنا ... نعام كاين شي مشكل في التواصل في شي بلاصة في الطريق كيخلي نفس الكلام حتى بين الملك وبين سياسيي الكارة كيضيع .واقيلاالطريق مقطوعة ؟؟؟
ملي خرجو شبابنا للشارع وكانو كيقولو إرحل للفساد والاستبداد ، علامن كانو داويين ؟ و المصيبة كينوضو شي ناس بحال بوزيان أو مكرم أو الرايس أو من شئت من الأسماء وكيقولوا “ حتى حنا نريد للفساد والاستبداد أن يرحلا”. ملي خرجو الشباب ديالنا في الشوارع باش يقولو لشيوخ السياسة “واراه عيقتو علينا، ضركو كمامركم آبنادمات. بغينا وجوه جديدة تشبه وجوه هذا الشباب الغالب في المدينة”، كينوضو شياشيون من طينة الفقيهي و بنالشيخ و لمباركي و ولد لفنون و هشام بوزيان و طارق و ولد البوعزاوي و ولد اليوسفي أو غيرهم ويقولو “ وعلاه حنا ماشي شباب ؟ حتى حنا سنان لحليب ونحن أيضا مع تشبيب الحياة السياسية”. عندما كان يبح صوت الشباب في الشارع أو غير الشارع، مطالبا بتولي المناصب في الكارة بناء على الاستحقاق وماشي على السيفيات الشخصية التي تطبخ على عجل أو بلمهل في المقرات الحزبية والقهاوي إياها، وباش يكون مسار المقترحين لهذه الترشيحات واضح، و يكون اختيارهم من طرف الشعب ، كينوضو شي ناس بحال ولد مليكة و ولاد ماواتهم كاملين أو غيرهم و يقولو “حنى مع الشعب وحتى حنا بغينا الشفافية فالترشيحات”. و نفس المسألة كتتكرر مع الملك حتى من بعد خطاب تسعة مارس لي كان واضح و بين ليهم أنه ما بقاش باغي بحالهم غير يفهمو روسهم و يجمعو قجاقجهم السياسية. واش ماشي الملك لي قال في خطاب افتتاح البرلمان “هادي راها فرصة تاريخية للبلد للتخلص من كل العادات السياسية السيئة”، آش كيردو عليه الشياشيين ديالنا ؟ ... “آمين”. يقول جلالته “الترحال السياسي والأشياء التي صنعت بؤس برلماننا في السابق يجب أن تتوقف”، يحرك الكل الرأس من لفوق لتحت زعما فهمناك يا جلالة المليك ويمشيو بعد ذلك يقلبو على أحزاب جديدة بحال كان يقلب الفقيهي و ولد البوعزاوي و العلالي و وحدين خرين في الأسابيع الأخيرة.الملك قال بأن الشعب بحاجة لكي يرى نفسه ممثلا في البرلمان و فلمجالس بصح ماشي ممثلا عليه من طرف البرلمانيين و المنتخبين الجماعيين ، و بلا حشمة بلا حيا البرلمانيون ديالنا كاملين و الرياس القدام والجداد و السادة الأعضاء أو على الأصح الأعداء من الطق طق للسلام عليكم كيوافقو على هاذ الكلام، و غير توصل الانتخابات و يرجعو يمثلو علينا هالي ماشافوش دائرتهوم وما زاروهاش خمس سنين هاذي و عاد كيتفكروها و يتذكرو الأهل هناك، ولكي يتذكروا مع التذكر أن العيد الكبير قرب ، وأنه من الواجب عليهم أن يهدوا لكل منزل حوليا، في إطار التقارب العائلي لا في إطار الرشوة من أجل الانتخابات معاذ الله أو ما شابه ، وها لي شحال من عام و هوما يسمسرو في دوائرهم وعاد كيبان ليهم غادين نديرو يوا مالكم ما درتوش شحال هذي ؟ وها لي ماكانوش بقاو يسلمو كاع كيوليو لي تلاقاوه يعنقوه وينا ربعات التسليمات هذو وينا توراك على ليدين بالسلام تقول لحباب ألحباب هذو.
في النهاية حنايا مع الساسة ديالنا في حوار سوريالي للغاية، و ما بقاش يقدر يستمر و لمح ليها الملك ، خصوصا وأن اللعب لي كتلعبو هذ الطبقة السياسية لي بلانا بيها الله كان مقبول في السنوات لي فاتت مللي كان راخيها الله أما اليوم را تزيرات القضية. الشعب يريد ، وكيشوف في التلفزيونات أن الشعوب التي تريد كتحصل على ما تريد ولا على الأقل غير على شوية منو المهم مكتبقاش بلاش و واخا ما كتحققش كاع لي بغات المهم أنها كتلقى حل باش ما تبقاش الاستفادة محبوسة في جهة وحدة هي لي كتحكم ، وما يبقاش التضرر محبوس على جهة وحدة هي الشعب. اليوم مابقاش مقبول من سياسيينا باش يلعبو معانا و يلعبو بينا لعبة “كاش كاش” السخيفة لي ولاو مدمنين عليها. فإما يتقادو ولا يخويو الكارة بمرة و بصح ، والأشياء في الشارع لا تسير في غير هذا الاتجاه هاذ ليامات يوا يجمعو معانا ريوسهم شوية.
ولكن القرد الشارف و لي شرف في تحراميات ولفها و ما باين لينا كلام مع هذ الديناصورات بل و حتى بعض لفريخات الجداد لي كيحومو على المناصب وها حنا بدينا نشوفو فيهم بداو يرجعو إلى كل العادات البئيسة لي ولفوها من نهار دخلو للسياسة و هاحنا بدينا نلاحظو أنهم داخلين بنفس السياسات و الخطط و المؤامرات وناوين خزيت في الانتخابات المقبلة بحال يلا ماطرا والو و بحال يلا ما خطب مليك ما تبدل دستور ما طاحو رويسات ، يوا الله يلطف بهذ لبلاد و صافي والله يدير لي فيها الخير وخلاص ، أما معا هاد خياتي فراحنا والله ما غاديين نطفروه.
داخلنا عليكم بالله واش كتفهمو آش كيقول ليكم سليعفان؟
محااااال
يوا تبقاو على خير.
في الكارة ديالنا السياسيين كيعتقدو أنه يكفي كل مرة قال فيها الملك كلام جديد حول تخليق الحياة السياسية فعلا، حول دمقرطتها،أنو يكفي أنهم يبركو في القهوة مباشرة بعد الخطاب ديال المليك و يبداو يعرضو و يفهمو على الحاشية ديالهم و الناس البسطاء لي كيتسناو فيهم غير يخلصو عليهم قهيوة من هاذ البلابلة كلها. و هاذ الشياشيين ديالنا حيث كاين فيهم لي كيضرب الشيشة كيبغيو زعما يوصلو بان الرسالة الملكية وصلت : أولاهيلا سيدنا دوى (ومالو كان ساكت راه دوى) و حنا كاملين متافقين معاه و ضد الفساد وضد كل المظاهر السلبية التي تنخر البلد من القديم إلى الحديث من الوقت الحزين. آلخوت، سمحو ليا، ولكن راها ما مسلكاش هاد القضية.ما يمكنش ليكم تقنعونا أن الملك كيخاطب كل مرة كائنات وهمية لا وجود لها على أرض الواقع، أو أنو كيتحدث عن أشياء ماشي واقعية ملي كيخطب باستمرار مطالبا بالقضاء على الكثير من السلبيات في المشهد السياسي المحلي.علاه المليك علامن داوي من غير عليكم ،و إلا خاصكم تقولو لينا من يقصد الملك بخطاباته تلك إذا كنتم أنتم جميعا نزهاء أتقياء مؤمنين بالعمل السياسي الفائض الأخلاق، والموغل في احترام كل شيء؟ بل حتى الباشا و الشاف ديال الجدارمية و الشاف ديال المخازنية و رؤساء المصالح و غيرهم من مسؤولين حيث الخطابات الملكية كيتفرجو فيها مجموعين و غير هوما تبارك الله ، حتى هوما موافقين و قابلين ولكن غير بالهضرة أما الخدمة و تقول.
كاين شي مشكل نتاع تواصل حقيقي كيخلي الكلام بين الشعب مادام الملك باغي يستاجب للشعب وبين الشياشيين ديالنا كيضيع في شي بلاصة بين دوار شويرفة و واد بوعسيلة حيث التعليمات الملكية كتمر عبر العمالة باش توصل للكارة و لكن ملي هاذ التعليمات كتشد الطريق جاية للكارة مكتوصلش ، علاش ؟ أنا كنقول القضية ما بين دخلة الكارة و الواد و كاين لي كيقول أن القضية في طريق برشيد كاملة مع كثرة الحفاري و تدرديف الطاكسيات لي عمرها من عمر بعض الشياشيين ديالنا ... نعام كاين شي مشكل في التواصل في شي بلاصة في الطريق كيخلي نفس الكلام حتى بين الملك وبين سياسيي الكارة كيضيع .واقيلاالطريق مقطوعة ؟؟؟
ملي خرجو شبابنا للشارع وكانو كيقولو إرحل للفساد والاستبداد ، علامن كانو داويين ؟ و المصيبة كينوضو شي ناس بحال بوزيان أو مكرم أو الرايس أو من شئت من الأسماء وكيقولوا “ حتى حنا نريد للفساد والاستبداد أن يرحلا”. ملي خرجو الشباب ديالنا في الشوارع باش يقولو لشيوخ السياسة “واراه عيقتو علينا، ضركو كمامركم آبنادمات. بغينا وجوه جديدة تشبه وجوه هذا الشباب الغالب في المدينة”، كينوضو شياشيون من طينة الفقيهي و بنالشيخ و لمباركي و ولد لفنون و هشام بوزيان و طارق و ولد البوعزاوي و ولد اليوسفي أو غيرهم ويقولو “ وعلاه حنا ماشي شباب ؟ حتى حنا سنان لحليب ونحن أيضا مع تشبيب الحياة السياسية”. عندما كان يبح صوت الشباب في الشارع أو غير الشارع، مطالبا بتولي المناصب في الكارة بناء على الاستحقاق وماشي على السيفيات الشخصية التي تطبخ على عجل أو بلمهل في المقرات الحزبية والقهاوي إياها، وباش يكون مسار المقترحين لهذه الترشيحات واضح، و يكون اختيارهم من طرف الشعب ، كينوضو شي ناس بحال ولد مليكة و ولاد ماواتهم كاملين أو غيرهم و يقولو “حنى مع الشعب وحتى حنا بغينا الشفافية فالترشيحات”. و نفس المسألة كتتكرر مع الملك حتى من بعد خطاب تسعة مارس لي كان واضح و بين ليهم أنه ما بقاش باغي بحالهم غير يفهمو روسهم و يجمعو قجاقجهم السياسية. واش ماشي الملك لي قال في خطاب افتتاح البرلمان “هادي راها فرصة تاريخية للبلد للتخلص من كل العادات السياسية السيئة”، آش كيردو عليه الشياشيين ديالنا ؟ ... “آمين”. يقول جلالته “الترحال السياسي والأشياء التي صنعت بؤس برلماننا في السابق يجب أن تتوقف”، يحرك الكل الرأس من لفوق لتحت زعما فهمناك يا جلالة المليك ويمشيو بعد ذلك يقلبو على أحزاب جديدة بحال كان يقلب الفقيهي و ولد البوعزاوي و العلالي و وحدين خرين في الأسابيع الأخيرة.الملك قال بأن الشعب بحاجة لكي يرى نفسه ممثلا في البرلمان و فلمجالس بصح ماشي ممثلا عليه من طرف البرلمانيين و المنتخبين الجماعيين ، و بلا حشمة بلا حيا البرلمانيون ديالنا كاملين و الرياس القدام والجداد و السادة الأعضاء أو على الأصح الأعداء من الطق طق للسلام عليكم كيوافقو على هاذ الكلام، و غير توصل الانتخابات و يرجعو يمثلو علينا هالي ماشافوش دائرتهوم وما زاروهاش خمس سنين هاذي و عاد كيتفكروها و يتذكرو الأهل هناك، ولكي يتذكروا مع التذكر أن العيد الكبير قرب ، وأنه من الواجب عليهم أن يهدوا لكل منزل حوليا، في إطار التقارب العائلي لا في إطار الرشوة من أجل الانتخابات معاذ الله أو ما شابه ، وها لي شحال من عام و هوما يسمسرو في دوائرهم وعاد كيبان ليهم غادين نديرو يوا مالكم ما درتوش شحال هذي ؟ وها لي ماكانوش بقاو يسلمو كاع كيوليو لي تلاقاوه يعنقوه وينا ربعات التسليمات هذو وينا توراك على ليدين بالسلام تقول لحباب ألحباب هذو.
في النهاية حنايا مع الساسة ديالنا في حوار سوريالي للغاية، و ما بقاش يقدر يستمر و لمح ليها الملك ، خصوصا وأن اللعب لي كتلعبو هذ الطبقة السياسية لي بلانا بيها الله كان مقبول في السنوات لي فاتت مللي كان راخيها الله أما اليوم را تزيرات القضية. الشعب يريد ، وكيشوف في التلفزيونات أن الشعوب التي تريد كتحصل على ما تريد ولا على الأقل غير على شوية منو المهم مكتبقاش بلاش و واخا ما كتحققش كاع لي بغات المهم أنها كتلقى حل باش ما تبقاش الاستفادة محبوسة في جهة وحدة هي لي كتحكم ، وما يبقاش التضرر محبوس على جهة وحدة هي الشعب. اليوم مابقاش مقبول من سياسيينا باش يلعبو معانا و يلعبو بينا لعبة “كاش كاش” السخيفة لي ولاو مدمنين عليها. فإما يتقادو ولا يخويو الكارة بمرة و بصح ، والأشياء في الشارع لا تسير في غير هذا الاتجاه هاذ ليامات يوا يجمعو معانا ريوسهم شوية.
ولكن القرد الشارف و لي شرف في تحراميات ولفها و ما باين لينا كلام مع هذ الديناصورات بل و حتى بعض لفريخات الجداد لي كيحومو على المناصب وها حنا بدينا نشوفو فيهم بداو يرجعو إلى كل العادات البئيسة لي ولفوها من نهار دخلو للسياسة و هاحنا بدينا نلاحظو أنهم داخلين بنفس السياسات و الخطط و المؤامرات وناوين خزيت في الانتخابات المقبلة بحال يلا ماطرا والو و بحال يلا ما خطب مليك ما تبدل دستور ما طاحو رويسات ، يوا الله يلطف بهذ لبلاد و صافي والله يدير لي فيها الخير وخلاص ، أما معا هاد خياتي فراحنا والله ما غاديين نطفروه.
داخلنا عليكم بالله واش كتفهمو آش كيقول ليكم سليعفان؟
محااااال
يوا تبقاو على خير.
» سرقة كاميرات مراقبة من تانوية عثمان بن عفان
» مقرقب يعتدي على باعة الخبز والدرك يتجاهل شكايتهم
» عضو بالمجلس الجماعي يحتل باشوية الكارة ليلا لتسجيل محسوبين عليه في دائرته
» فضيحة الإنعاش لي طاب و ما حلاش
» هذا إنذار لأشباه الأحرار
» مقتل شخصين في حادثة سير بطريق الكارة برشيد
» خلاف حول أحقية المرور يتحول الى عراك بين قائد ومواطن
» إعتقال عضو من عصابة أولاد الصخيرية
» سرقة واغتصاب ذكر بالعنف
» الدرك يقوم بحملة تمشيطية وإلقاء القبض على العشرات
» الثلاثي الخطار
» اشتباك وتبادل السب بين رئيس بلدية الكارة وماتبقى من اعضاء مساندين له
» درك الكارة يلقي القبض على تلاتة لصوص
» القبض على صاحب مدرسة خاصة بتهمة هتك عرض قاصر
» مختل عقلي يهاجم امام مسجد دوار بلال
» حفل فندق راديسون بلو القاهرة لعملائه
» سرقة مقهي بالحي الاداري
» سرقة مقهي بالحي الاداري
» إقتحام عيادة طبية
» ورثة الفرجية يمنعون البلدية من استغال اشطيبة
» عصابة اولاد الصخيرية تختطف تاجر المخدرات والخمور (حفيظ)
» ذبحه من العنق وهرب
» قتيلين بطريق برشيد
» محاولة انتحار فتاتين بسبب نشر صور فضائحية
» سيارة تصدم امرأة وابنها
» إنتحار تلميدة
» انتحار اربعيني
» الدرك يشن حملة ضد اوكار المخدرات والخمور
» قتيل تحت عجلات شاحنة
» فندق راديسون بلو هليوبوليس القاهرة توعد نزالائها الكرام بأن توفر لهم كل ما يحتجونه بداخل وبخارج الفندق خلال اقامتهم لضمان كسب ارضائهم بنسبة مئة بالمئة.
» سيول وفقدان قطعان من المواشي وخسائر مادية
» سيول وفقدان قطعان من المواشي وخسائر مادية