فضيحتهم بجلاجل - الحلقة الأولى

من يكون ؟ من يكون صاحبنا من يكون ؟ يكونو فكانون

هو من مساخيط الكارة يا جمهور ، فيروس و ميكروب بالفور ، يدور في فلك السلطة و يدور و يدور كالدّبور ، فيه شيء من الميزان و كل ما هو معبور ، مدمن على البيضا مونامور و على القصاير توليجور

هاز الباكية مارلبورو و الروايض نهار السبت ما يدورو و كيعبد الدرهم و حتى الأورو ، لحّاس الكابة من صغرو ، منافق بألف قناع داير بحال زورو و هو زيرو و خدمتو زيرو و مستواه زيرو و حياتو و مماتو زيرو لاصق في زيرو

في فمّو ديما نعاماس ، تقول والو خاطيه النعاس ، جنّ الجنون حاضي ولاباس ، و بركاك و محساد و قوّاس ، و ظاليم فوق لقياس ، يلبس ليك الروز يصحب راسو لبّاس و مداير فيها ولد الناس ، و هو عند سيادو كرف من خماس ، علينا حنا ديما عسّاس ، تسكن بكتبتنا الله يحضر الباس ، يوا هاهي وقعت الفاس في الراس ، يوا يعيط على الشاليني ولد اللهّاس

هذا لي ما خلّا علينا حتى سيبير ، تابعنا يبحث باغي يدير بينا تقرير ، عينا فيه وتا سير وتا سير ، و تقول واش بغى يحشم ولد الشفيفير ، يوا ها حنا اليوم وريناه التسحريف و ما يدير و سبقنا ليه هاذ الفيديو الخطير ، و يلا ما حشمش باقي عندنا الخير و الخمير

شحال من عام و حنا صابرين عليه و نقولو ذوك ربي علينا يهديه ، ساعة هو لي فيه فيه ، تقول حضيان المنتدى كيتخلص عليه ، و نسى الطروطوار و بالعشوائي كيف دار ليه ، و الرشوة و الزور بغل و بشواريه

يوا بقى تابع حديدان ها هو خرج فيك لبلان يوى سير تبكي عند فلان و سير تشكي عند فرتلان ، ما حشمتيش تحفر لخوتك يا بوجعران يوا سمعني كيف داير حفير نيشان

هو مين يا حبايبي حبيب المفسدين ؟


بيـــــــــــــــان
تعلن إدارة منتديات صوت الكارة عن حذفها لفيديو المقدم محمد مجاهد ،من على الصفحة الرسمية لمنتديات صوت الكارة وعلى اليوتوب والدايلي موشيون ،وذلك بعد تدخل عدة جهات وأشخاص ،وتعهدهم بعدم معاودة المعني بالامر الايقاع بأبناء الكارة وتلفيق التهم لهم ،والسعي الى الفساد في الارض .
وتندد منتديات صوت الكارة بالهجمة الشرسة التي باتت تتعرض لها بشكل يومي ،من مقالات تهديدية وقدحية ،بحق عدد من مديريها السابقين والحاليين .
ونعد كل أعضاء المجموعة والزوار الكرام أننا ماضون فيما نحن عليه ،من فضح للمسؤولين المحليين ، والمواطنين المارقين وأننا نتوفر على العديد من الاشرطة والصور والوثائق تدين المفسدين .
فلتحيا الكارة ويسقط الفساد والاستبداد فيه