الحاج احمد ولد عايشة ما مشى للحج حتى دار طواف الإفاضة و قام بالإحرام و نوى الرجم و أدى السعي بين الصفا و المروة في حرم الخيرية لي هو رئيسها بعد ما ترامى عليها و نظم انقلاب ضد الحاجة لي كانت رايسة الخيرية.
طواف الإفاضة : السيد فاض و كشكش و دردك ولاح البيرية و بقى يطوف في ساحة الخيرية ... هذا هو حج الميزيرية.
الإحرام : السيد لاح حوايجو و بقى ليه غير يتعرى ، و ما الفرق بين الحرام و الإحرام عند حجاج سرب الحمام غير ألف بهمزتو و إضغام.
الرجم : غير ما لقاش الحجر في الخيرية و لكن لسانو صخرة و فيه كثر من عشرة و كتافو كب كتف عبرة.
السعي بين الصفا و المروة : و لقد سعى لرئاسة الخيرية و سعت إليه و هرول بين الصفا و ما اكتفى و بين المروة ثم اختفى.
كان الجو صافي و كانت المروة (المروءة) قبل ما يتريس سيد الحجاج لي واخا دار راسو في النخالة ما نقبوش الدجاج.السيد دار فيها رايس نيت و راوده حلمه القديم الجديد برئاسة المجلس فتقمص دور الشاف و ما حشم ما خاف وهدد أعداؤو بالترعاف وقال لي ثقال على الرياس علينا خفاف كما لبس ثوب المحسن و ليس بينه و بين الإحسان إلا ما بين زبلة بني بقرون و بزقة الذبان.
و لأن الطبع كما يقال يغلب التطبع فسرعان ما عاد ولد عايشة إلى طبعه و أصله فأظهر من الانحطاط و التشمكير ما تخجل منه قطعان الحمير التي صوتت عليه و في الخيرية عطاتو التسيير.
ما القصة و القضية آش فيها ؟ حدوثة وانا اليوم غادي نحكيها :
قبل أسبوعين تقريبا قصد ولد عايشة مقر الخيرية و طلب من مديرها السيد رشيد رزقي أن يسلمه بعض الأسرة باش يديها لشي مخازنية جاو جداد و مع أن السلطة مسكينة ما لقاتش علاش تنعسهوم حيث الباشا ما عندوش باش يشري بونجات و المجلس مسكين مع فيه غير ولاد الشعب من الفقراء و العاطلين ما قدرش يضبر على ثمن سدادر ولا ناموسيات لهاذ المخازنية ، ناض الهايش ولد هايشة و قال ليهم هداو لقيتها ياك كاين النوامس في الخيرية و ياك أنا رايس الخيرية و كلمتي ما تطيحش للأرض ، صافي أنا غادي ندير حل غير سيرو تشفرو على خاطركم و بلا متشغلو روسكم بهاذ المشكل.الله ياودي المخزن ديالنا و حنا من زمان ديالو.
لكن الذي لم يكن في حسبان ولد عايشة الغضبان هو ان يرفض طلبه رزقي العيان ... علاش عيان حيث ولد عايشة يفكر هكذا فهو استفزازي و حڭـار أكثر من سياسي و شفار و عقلو ديما بالسوء أمّار و نستطيع أن نلقبه بالحاج الخاطار فكل من يتصادم معه كيمشي للسبيطار .
المهم رفض مدير الخيرية طلب رئيس الخيرية فلم يصرط الأخير هذا الرفض حيث كان يظن أن المدير في يده مادام انقلب على مكرم الذي وظفه وانحاز للفقيهي و عصابته و انقلب على الحاجة لصالح ولد عايشة نفسه...ولم يستسغ عضونا المكشكش أن يجرؤ ولد البارح هذا على رد كلامه و هو الذي جعل منه مديرا للخيرية ...
هكذا قال ولد عايشة و هكذا فكر لكن يا سي الحاج لي موالف الانقلابات و عض الأيدي التي ساعدته لن يتردد في قلب وجهه عليك وعلى فقيهك و عصابتك ، أليس نجمكم سائر نحو الأفول ؟ و هل تستطيعون أن تضمنوا للسيد رزقي انكم ستظلون الجهة الغالبة و أنكم ستفوزون بالانتخابات القادمة حتى يبقى محتميا بظلكم ؟ كلا بالطبع فلماذا لم تقبل لنفسك ما قبلته لمكرم و للحاجة و لرئيس نهضة الكارة و اللائحة طويلة ؟
و لكنك يا إبن أمك أمي ولذلك محالش واش سبق ليك قريتي المثل القائل "كيف تدين تدان" و المثل الآخر لي كيقول "يوم لك و يوم عليك" و لقد وصل يومك و يوم من معك و سيتنكر لكم أزلامكم و خدامكم و خماميسكم و أبواقكم و رشيدكم و عزيزكم.
المهم لنرجع إلى وقائع فيلم الأكشن ذاك :
ولد عايشة ما رضاش وبغا يدي الناموسيات صحة و ملي بدا رزقي يتدافع معاه دفل ليه على وجهو و هي القضية ترون و بداو في نقاش سرعان ما تحول إلى سبان :
ولد عايشة لرزقي :
- علاش للمخازنية لا و نتا فايت ليك عطيتي الناموسيات لموالين كورة لي كيجيبو ليهم الدريات ؟ ... ( سي الحاج في خبارك ناموسيات الخيرية ونتا مسؤول عليها كيتعطاو للكوايرية باش ينعسو عليهم الدريات و بقيتي ساكت كل هاذ الوقت يوا أشمن حج واشمن مسؤولية واشمن إحسان ؟)
رزقي لولد عايشة :
- لا يا سيدي والله يلا ديتيهم نعطيهم لمن بغيت و ما نعطيهومش ليك (أو هكذا قال ).
و بعد أخذ و رد بصق ولد عايشة على رشيد رزقي فثارت ثائرة هذا الأخير و بدأ يسب و يفضح في المستور :
رزقي لولد عايشة :
أنت بزناز و كتبيع لحشيش ( وملي هو بزناز علاش بزنزتي معاه في الانتخابات و في الخيرية ؟ للتذكير فولد عايشة هذا كان قد تورط في قضية اتجار في المخذرات و في قضية متاجرة في سيارات مسروقة و مزورة لكنه ضحى بإبنه الذي لبس التهمة و دخل السجن عوض والده).
ولد عايشة لرزقي :
و أنت محتال ياك كنتي ملي كتبغي تدي مرتك للسبيطار كتديها على حساب الخيرية ( و ياك نتا المسؤول يا سي الحاج فين هي الأمانة و الصلاح ؟ كيفاش السي رزقي كان كل مرة يذهب فيها بزوجته و غالبا عندما كانت حاملا إلى أحد الأطباء خارج الكارة لمتابعة الحمل كان يدعي أنه في مهمة رسمية وأنه متنقل لقضاء مصالح الخيرية فيحصل بذلك على تعويض من الخيرية يدخل فيه ثمن المركوب و ربما حتى الأكل ، ونتا عارف هاذ الخنزة و ضاربها بسكتة ، ولا كنتي معول عليه يجري مع الحمامة ثاني ؟ )
رزقي لولد عايشة :
أنت شفار ( يا سلام يا سي رشيد أالآن فقط عرفتها و أين كان ضميرك الذي صحا اليوم عندما كنت أنت و صديقك من داعمي مجلس الحمامة و أين كانت صراحتك هذه لما ساهمت في تسليمه رئاسة الخيرية ألم تخف حينها أن يعيث فيها سلبا و نهبا ؟ شفار و دخلتيه حتى لقلب الدار ؟)
ولد عائشة لرزقي :
انت برهوش ( أو هكذا فكر ، و ملي هو برهوش علاش نتا مول جوج كروش مداير راسك في البخوش ؟ ولا هو برهوش حيث وقف في وجهك وكان راجوووول ملي كان في جنبك ، يا سبحان الله )
رزقي لولد عايشة :
أنت سحار (أجي كيفاش هاذ قضية سحار ؟ شفار اي نعم لأنه ليس في القنافذ أملس و لأن أبناء عبدالواحد كلهم واحد وليس في سرب الحمام من ليس شفارا لكن سحار كيفاش هاذ القضية ؟ أنرنا يا سي رشيد ، و باين ليا راك راقب على البير و غطاه و عارف عشاش الحمام قشة قشة).
المهم هذا بعض من الكلام الذي قيل و لن نتحدث عما كان من الحزام و ما تحت و خلاصة القول أن ولد عايشة ما رضاش قدام الموظفات و الموظفين و أن رشيد حيت معيصب سخف ليهم وقال للحاج ضربتيني ( و يديرها العفريت راحنا فايت كتبنا عليه موضوع تحت عنوان "ولد عايشة يدو طايشة" هاذي عام ملي تعدى على ولد مي زقزوقة و هذا رابط الموضوع : https://elgara.forumarabia.com/t80-topic) و ملي داو رشيد رزقي للسبيطار ، ولد عايشة خافو يدير شي سرفاتيكة ما يكونش من العاڭـزين وضربها ليهم بسخفة في الخيرية و ولاو الموظفين بحال الممرضين شي ينش و شي يرش و شي يهبش ، واحد سخفان بحال يلا قرصو حنش وواحد مشى للسبيطار ، هذا شفار و هذا سمسار ، واحد سحار و واحد مضروب خطار ، هذا نيفو طار وهذا ضربو كار ... هكذا ولات الخيرية سبيطار.
و على ما يبدو لنا و لكثرة مراقبتنا لهذه النمادج و تتبعنا لخطاهم و تنقيبنا عن أسرارهم و و ضع أصابعنا على خروقاتهم و مؤامراتهم فإننا نستطيع أن نؤكد أن القضية ما فيهاش غير الناموسيات هذا يا إيما شي حساب قديم أو القضية سياسية و ستنفجر تفاصيلها في الانتخابات القادمة.
و الأنكى أن ولد عايشة بكى و رشيد دمع و شكى و في واحد اللحظة مشى الحاج أحمد مكشكش و رجع و معاه في الطوموبيلا جوج شخوصا مشى جابهم من العروبية باش يخليو دار رزقي و حلف بصفتو رئيس الخيرية باش يجري عليه و يفصلو نهائيا عاد الموظفين حايدو طابليات التمريض و لبسو ثوب المعورطين واشمن الله يرحم الوالدين واشمن لاواه يا سي الحاج واشمن راه بمرتو و وليداتو واشمن راه غير الشيطان ولد الحرام و هلم جرا مدا و جزرا فرا و كرا ظهرا و عصرا عاد تفاكت.
خلاصة الحدوثة أن رايس الخيرية مشى للحج وخلى رزقي في الميزيرية ، حايد ليه سويرتات الإدارة و سلمهم لموظفة في انتظار أن ينتهي السي الخلوفي من الإنتخابات في دار القايد المكي ليعود كما كان في زمن سابق مديرا للخيرية. خونا في الله رشيد بقى غير كيدور : لا مهمة ، لا خلصة ، لا مدير ولا حتى مقتصد كيف كان قبل ما تطير لحمامة على الخيرية...و هاهو بقى معلق ، مشتوم و مفلق ، مغموم و مقلق ، و هذا جزاء كل مصرفق كيختار مع لحمامة يحلق.
في انتظار الحلقات القادمة لهذا المسلسل ، لكن ليس قبل رجوع الشيخ إلى صباه عفوا رجوع الحاج من منفاه عفوا رجوع الرايس من عند الله ، نقول ما قاله أجدادنا :
ما تقطع الواد حتى تبان حجارو
وما تمشي في الليل حتى يطلع نهارو
وما تصحب صديق حتى تعرف خبارو
السرورات على ميلود...تقول هذا غير وزير صافي
طواف الإفاضة : السيد فاض و كشكش و دردك ولاح البيرية و بقى يطوف في ساحة الخيرية ... هذا هو حج الميزيرية.
الإحرام : السيد لاح حوايجو و بقى ليه غير يتعرى ، و ما الفرق بين الحرام و الإحرام عند حجاج سرب الحمام غير ألف بهمزتو و إضغام.
الرجم : غير ما لقاش الحجر في الخيرية و لكن لسانو صخرة و فيه كثر من عشرة و كتافو كب كتف عبرة.
السعي بين الصفا و المروة : و لقد سعى لرئاسة الخيرية و سعت إليه و هرول بين الصفا و ما اكتفى و بين المروة ثم اختفى.
كان الجو صافي و كانت المروة (المروءة) قبل ما يتريس سيد الحجاج لي واخا دار راسو في النخالة ما نقبوش الدجاج.السيد دار فيها رايس نيت و راوده حلمه القديم الجديد برئاسة المجلس فتقمص دور الشاف و ما حشم ما خاف وهدد أعداؤو بالترعاف وقال لي ثقال على الرياس علينا خفاف كما لبس ثوب المحسن و ليس بينه و بين الإحسان إلا ما بين زبلة بني بقرون و بزقة الذبان.
و لأن الطبع كما يقال يغلب التطبع فسرعان ما عاد ولد عايشة إلى طبعه و أصله فأظهر من الانحطاط و التشمكير ما تخجل منه قطعان الحمير التي صوتت عليه و في الخيرية عطاتو التسيير.
ما القصة و القضية آش فيها ؟ حدوثة وانا اليوم غادي نحكيها :
قبل أسبوعين تقريبا قصد ولد عايشة مقر الخيرية و طلب من مديرها السيد رشيد رزقي أن يسلمه بعض الأسرة باش يديها لشي مخازنية جاو جداد و مع أن السلطة مسكينة ما لقاتش علاش تنعسهوم حيث الباشا ما عندوش باش يشري بونجات و المجلس مسكين مع فيه غير ولاد الشعب من الفقراء و العاطلين ما قدرش يضبر على ثمن سدادر ولا ناموسيات لهاذ المخازنية ، ناض الهايش ولد هايشة و قال ليهم هداو لقيتها ياك كاين النوامس في الخيرية و ياك أنا رايس الخيرية و كلمتي ما تطيحش للأرض ، صافي أنا غادي ندير حل غير سيرو تشفرو على خاطركم و بلا متشغلو روسكم بهاذ المشكل.الله ياودي المخزن ديالنا و حنا من زمان ديالو.
لكن الذي لم يكن في حسبان ولد عايشة الغضبان هو ان يرفض طلبه رزقي العيان ... علاش عيان حيث ولد عايشة يفكر هكذا فهو استفزازي و حڭـار أكثر من سياسي و شفار و عقلو ديما بالسوء أمّار و نستطيع أن نلقبه بالحاج الخاطار فكل من يتصادم معه كيمشي للسبيطار .
المهم رفض مدير الخيرية طلب رئيس الخيرية فلم يصرط الأخير هذا الرفض حيث كان يظن أن المدير في يده مادام انقلب على مكرم الذي وظفه وانحاز للفقيهي و عصابته و انقلب على الحاجة لصالح ولد عايشة نفسه...ولم يستسغ عضونا المكشكش أن يجرؤ ولد البارح هذا على رد كلامه و هو الذي جعل منه مديرا للخيرية ...
هكذا قال ولد عايشة و هكذا فكر لكن يا سي الحاج لي موالف الانقلابات و عض الأيدي التي ساعدته لن يتردد في قلب وجهه عليك وعلى فقيهك و عصابتك ، أليس نجمكم سائر نحو الأفول ؟ و هل تستطيعون أن تضمنوا للسيد رزقي انكم ستظلون الجهة الغالبة و أنكم ستفوزون بالانتخابات القادمة حتى يبقى محتميا بظلكم ؟ كلا بالطبع فلماذا لم تقبل لنفسك ما قبلته لمكرم و للحاجة و لرئيس نهضة الكارة و اللائحة طويلة ؟
و لكنك يا إبن أمك أمي ولذلك محالش واش سبق ليك قريتي المثل القائل "كيف تدين تدان" و المثل الآخر لي كيقول "يوم لك و يوم عليك" و لقد وصل يومك و يوم من معك و سيتنكر لكم أزلامكم و خدامكم و خماميسكم و أبواقكم و رشيدكم و عزيزكم.
المهم لنرجع إلى وقائع فيلم الأكشن ذاك :
ولد عايشة ما رضاش وبغا يدي الناموسيات صحة و ملي بدا رزقي يتدافع معاه دفل ليه على وجهو و هي القضية ترون و بداو في نقاش سرعان ما تحول إلى سبان :
ولد عايشة لرزقي :
- علاش للمخازنية لا و نتا فايت ليك عطيتي الناموسيات لموالين كورة لي كيجيبو ليهم الدريات ؟ ... ( سي الحاج في خبارك ناموسيات الخيرية ونتا مسؤول عليها كيتعطاو للكوايرية باش ينعسو عليهم الدريات و بقيتي ساكت كل هاذ الوقت يوا أشمن حج واشمن مسؤولية واشمن إحسان ؟)
رزقي لولد عايشة :
- لا يا سيدي والله يلا ديتيهم نعطيهم لمن بغيت و ما نعطيهومش ليك (أو هكذا قال ).
و بعد أخذ و رد بصق ولد عايشة على رشيد رزقي فثارت ثائرة هذا الأخير و بدأ يسب و يفضح في المستور :
رزقي لولد عايشة :
أنت بزناز و كتبيع لحشيش ( وملي هو بزناز علاش بزنزتي معاه في الانتخابات و في الخيرية ؟ للتذكير فولد عايشة هذا كان قد تورط في قضية اتجار في المخذرات و في قضية متاجرة في سيارات مسروقة و مزورة لكنه ضحى بإبنه الذي لبس التهمة و دخل السجن عوض والده).
ولد عايشة لرزقي :
و أنت محتال ياك كنتي ملي كتبغي تدي مرتك للسبيطار كتديها على حساب الخيرية ( و ياك نتا المسؤول يا سي الحاج فين هي الأمانة و الصلاح ؟ كيفاش السي رزقي كان كل مرة يذهب فيها بزوجته و غالبا عندما كانت حاملا إلى أحد الأطباء خارج الكارة لمتابعة الحمل كان يدعي أنه في مهمة رسمية وأنه متنقل لقضاء مصالح الخيرية فيحصل بذلك على تعويض من الخيرية يدخل فيه ثمن المركوب و ربما حتى الأكل ، ونتا عارف هاذ الخنزة و ضاربها بسكتة ، ولا كنتي معول عليه يجري مع الحمامة ثاني ؟ )
رزقي لولد عايشة :
أنت شفار ( يا سلام يا سي رشيد أالآن فقط عرفتها و أين كان ضميرك الذي صحا اليوم عندما كنت أنت و صديقك من داعمي مجلس الحمامة و أين كانت صراحتك هذه لما ساهمت في تسليمه رئاسة الخيرية ألم تخف حينها أن يعيث فيها سلبا و نهبا ؟ شفار و دخلتيه حتى لقلب الدار ؟)
ولد عائشة لرزقي :
انت برهوش ( أو هكذا فكر ، و ملي هو برهوش علاش نتا مول جوج كروش مداير راسك في البخوش ؟ ولا هو برهوش حيث وقف في وجهك وكان راجوووول ملي كان في جنبك ، يا سبحان الله )
رزقي لولد عايشة :
أنت سحار (أجي كيفاش هاذ قضية سحار ؟ شفار اي نعم لأنه ليس في القنافذ أملس و لأن أبناء عبدالواحد كلهم واحد وليس في سرب الحمام من ليس شفارا لكن سحار كيفاش هاذ القضية ؟ أنرنا يا سي رشيد ، و باين ليا راك راقب على البير و غطاه و عارف عشاش الحمام قشة قشة).
المهم هذا بعض من الكلام الذي قيل و لن نتحدث عما كان من الحزام و ما تحت و خلاصة القول أن ولد عايشة ما رضاش قدام الموظفات و الموظفين و أن رشيد حيت معيصب سخف ليهم وقال للحاج ضربتيني ( و يديرها العفريت راحنا فايت كتبنا عليه موضوع تحت عنوان "ولد عايشة يدو طايشة" هاذي عام ملي تعدى على ولد مي زقزوقة و هذا رابط الموضوع : https://elgara.forumarabia.com/t80-topic) و ملي داو رشيد رزقي للسبيطار ، ولد عايشة خافو يدير شي سرفاتيكة ما يكونش من العاڭـزين وضربها ليهم بسخفة في الخيرية و ولاو الموظفين بحال الممرضين شي ينش و شي يرش و شي يهبش ، واحد سخفان بحال يلا قرصو حنش وواحد مشى للسبيطار ، هذا شفار و هذا سمسار ، واحد سحار و واحد مضروب خطار ، هذا نيفو طار وهذا ضربو كار ... هكذا ولات الخيرية سبيطار.
و على ما يبدو لنا و لكثرة مراقبتنا لهذه النمادج و تتبعنا لخطاهم و تنقيبنا عن أسرارهم و و ضع أصابعنا على خروقاتهم و مؤامراتهم فإننا نستطيع أن نؤكد أن القضية ما فيهاش غير الناموسيات هذا يا إيما شي حساب قديم أو القضية سياسية و ستنفجر تفاصيلها في الانتخابات القادمة.
و الأنكى أن ولد عايشة بكى و رشيد دمع و شكى و في واحد اللحظة مشى الحاج أحمد مكشكش و رجع و معاه في الطوموبيلا جوج شخوصا مشى جابهم من العروبية باش يخليو دار رزقي و حلف بصفتو رئيس الخيرية باش يجري عليه و يفصلو نهائيا عاد الموظفين حايدو طابليات التمريض و لبسو ثوب المعورطين واشمن الله يرحم الوالدين واشمن لاواه يا سي الحاج واشمن راه بمرتو و وليداتو واشمن راه غير الشيطان ولد الحرام و هلم جرا مدا و جزرا فرا و كرا ظهرا و عصرا عاد تفاكت.
خلاصة الحدوثة أن رايس الخيرية مشى للحج وخلى رزقي في الميزيرية ، حايد ليه سويرتات الإدارة و سلمهم لموظفة في انتظار أن ينتهي السي الخلوفي من الإنتخابات في دار القايد المكي ليعود كما كان في زمن سابق مديرا للخيرية. خونا في الله رشيد بقى غير كيدور : لا مهمة ، لا خلصة ، لا مدير ولا حتى مقتصد كيف كان قبل ما تطير لحمامة على الخيرية...و هاهو بقى معلق ، مشتوم و مفلق ، مغموم و مقلق ، و هذا جزاء كل مصرفق كيختار مع لحمامة يحلق.
في انتظار الحلقات القادمة لهذا المسلسل ، لكن ليس قبل رجوع الشيخ إلى صباه عفوا رجوع الحاج من منفاه عفوا رجوع الرايس من عند الله ، نقول ما قاله أجدادنا :
ما تقطع الواد حتى تبان حجارو
وما تمشي في الليل حتى يطلع نهارو
وما تصحب صديق حتى تعرف خبارو
السرورات على ميلود...تقول هذا غير وزير صافي
» سرقة كاميرات مراقبة من تانوية عثمان بن عفان
» مقرقب يعتدي على باعة الخبز والدرك يتجاهل شكايتهم
» عضو بالمجلس الجماعي يحتل باشوية الكارة ليلا لتسجيل محسوبين عليه في دائرته
» فضيحة الإنعاش لي طاب و ما حلاش
» هذا إنذار لأشباه الأحرار
» مقتل شخصين في حادثة سير بطريق الكارة برشيد
» خلاف حول أحقية المرور يتحول الى عراك بين قائد ومواطن
» إعتقال عضو من عصابة أولاد الصخيرية
» سرقة واغتصاب ذكر بالعنف
» الدرك يقوم بحملة تمشيطية وإلقاء القبض على العشرات
» الثلاثي الخطار
» اشتباك وتبادل السب بين رئيس بلدية الكارة وماتبقى من اعضاء مساندين له
» درك الكارة يلقي القبض على تلاتة لصوص
» القبض على صاحب مدرسة خاصة بتهمة هتك عرض قاصر
» مختل عقلي يهاجم امام مسجد دوار بلال
» حفل فندق راديسون بلو القاهرة لعملائه
» سرقة مقهي بالحي الاداري
» سرقة مقهي بالحي الاداري
» إقتحام عيادة طبية
» ورثة الفرجية يمنعون البلدية من استغال اشطيبة
» عصابة اولاد الصخيرية تختطف تاجر المخدرات والخمور (حفيظ)
» ذبحه من العنق وهرب
» قتيلين بطريق برشيد
» محاولة انتحار فتاتين بسبب نشر صور فضائحية
» سيارة تصدم امرأة وابنها
» إنتحار تلميدة
» انتحار اربعيني
» الدرك يشن حملة ضد اوكار المخدرات والخمور
» قتيل تحت عجلات شاحنة
» فندق راديسون بلو هليوبوليس القاهرة توعد نزالائها الكرام بأن توفر لهم كل ما يحتجونه بداخل وبخارج الفندق خلال اقامتهم لضمان كسب ارضائهم بنسبة مئة بالمئة.
» سيول وفقدان قطعان من المواشي وخسائر مادية
» سيول وفقدان قطعان من المواشي وخسائر مادية