خوتنا السلام عليكم
جيتكم اليوم بواحد لخبيرة من ذاك الشي لي كيعجبكم ، حكاية كلها نشاط ، و نتوما موالين الخير أهل النشاط ... ألم يحشوا أدمغتكم بالنشاطات لسنوات ؟ ها النشاط العلمي ، ها التربية الكمنجية ، عفوا مشيت مع موضوع اليوم ، التربية الفنية ماشي الكمنجية و لكن كيف كيف أو لا لا ؟ ياك الكمنجة حتى هي من الفنون (ما يمشيش عقلكم بعيد ما جبدتش ولد الفنون العضو لا تلوحو عليا شي باطل عاود ثاني ) ... ما علينا ، لي بغيت نقول أنكم فاهمين في النشاط و كتشمو ريحتو من بعيد وانا متأكد أن أغلبكم عرفني غادي ندوي على المجلس البلدي نتاعنا و أن هذه المقدمة وهاذ اللف و الدوران ما هوما غير مليحة لتبنين طبق اليوم.
صحيح أن أغلب أعضاء مجلسنا البلدي ما قاريينش و ما بينهم و بين النشاط العلمي غير الخير و الإحسان و حتى القاريين فيه ما قراوش في النشاط العلمي و قراو غير في " التلاوة "، صحيح أيضا أن النشاط الذي من المفترض أن يكون لديهم به إلمام بحكم آهتماماتهم هو النشاط السياسي لكن الغالب الله حتى هذا ما كيفهموش فيه واخا ما كيجيش بالقراية ، و صحيح أن مجلسنا خامل كسول و لا حديث عن مجرد النشاط الجسدي الذي من المفروض أن يتحلى به من يدّعي خدمة الناس و إصلاح الأوضاع ... بقي نشاط واحد يبرع فيه أعضاء مجلسنا البلدي و يتميزون به و هو نشاط الڭـانة أو فن القصاير بل منهم من يحترفه و كياكل منو طريف دالخبز ... و هذا هو النشاط الذي أقصده ، النشاط الذي يقال عنه أنه شاط ، بل إن هذه المقولة بدورها ما كتجي لاصقة غير مع المسؤولين ديالنا حيث خصكم تعرفو علامن شاط النشاط ؟ النشاط عند المزاليط محسوب و ما كيشيط منو والو : قرعة كيتفارضو فيها رباعة كيفاش بغيتوهم يشيطو منها ؟ ها جطّي ها جطّك في كلشي و الڭـارو كيتوّزوه و الڭـاميلة كيلحسوها و حتى الشيخة الله يسترنا و يستركم كيطمعو فيها كاملين و ما يكرهوش يوزعوها حتى هي و كلها واش يطير ليه : ها لي تطير فيه رجل ، ها لي يفوز بفخذ ، ها لي يغمق و يجغمط على الأهم راكم عارفين ... النشاط محال أن يشيط عن أمثال هؤلاء و هم الكثرة ، فطبيعي أن النشاط عندنا شاط من شحال هذي و باقي كيشيط على لي كيعرفو من أين تؤكل كتف الڭـارة و لي كيبقاو ياكلو حتى كيشيط عليهم الخير بل حتى لي دايرين بيهم كياخذو حقهم و كيشيط ، و كيبقى شي ياخذ من شياطة شي حتى ما كيبقى والو للمسكين لي مخصوص (أسيدي بصحتهم ما شفنا فيهم بعين الشحمة) ... مشيت بعيد بيكم واقيلا ؟ يوا استحملوني شوية هاني جايكم ، أناغير بغيتكم تفهمو مزيان علاش كيغنيو : " الڭـارة تبان ، البوشرو يبان من حدّ ولاد زيان " مالهم ما غنّاو : " كازا تبان " واخا هي عالية و كبيرة و باينة ... لمن كتبان الڭـارة ؟ لصحاب النشاط الفاليسي الڭـرمومي و لشيخاتهم و شيوخهم و مقدميهم ، أما أنا و لا نتوما ما باين لينا و ما كيبان لينا والو من الڭـارة ... و نزيدكم الڭـارة ماشي غير كتبان من بعيد بل كتتشم حيث كلها خيرات خاص غير لي يعرف ليها و لي جا ليها كيمشي منها لاباس عليه .... و بالطبع : " لمذاكرة لحرار ما يدوزو عار " دير فيهم لي بغيتي و ما يآذيوكش ، و هم أهل الكرم : كول و شرب بإيديك و برجليك ولا من يسول فيك ...
ما علينا طولت عليكم قصتنا اليوم و ما فيها متعلقة بعرس من أعراس لمذاكرة لحرار لي ما كيدوزو عار ، يوا زيدو معايا ، تفضلو و دخلو للدار ، الحضور كثير و لعريس فار ، الضيفان فيهم لفقيه و فيهم السمسار ، بوجلابة بلحيتو كيركز و شاد التسابيح بنهار ، التقاوة أمام العباد و زايدها بالدينار ، سي الحاج هذا مرحبا أجي تسهاااار.
و بالطبع لا يكتمل عرس لأصحاب الموالاة دون دعوة المسؤولين عن بكرة أبيهم ولا تحلو مناسبة عند حاشية الفساد دون أن يتصدر مجلسها غير سيدي و مولاي بمفهوم المزاليط الذين تشرئب أعناقهم متطلعين إلى مقدم الحاج فلان و السي فرتلان كما تطاولت أعناق الخلق في زمن مضى نحو القمر يرون على صفحته ما تختزله أنفسهم المقهورة و رغباتهم الدفينة و أحلامهم المستحيلة .
و هكذا كان فلقد دعا أحد أبناء هذه المدينة (عبد الفاض...) كل أعضاء مجلسنا البلدي الموقر إلى عرس أقيم في الأيام القليلة الماضية بإحدى أحياء الكارة ، و قد حضروا جميعا تقريبا ، جاو و جابو معاهم عجاجهم يسبق حجّاجهم ، و آستغربت لتهافت قادة القوم هؤلاء على هذا العرس بشيخاته في حين لم يحضر منهم للمصلى يوم عيد الفطر الأخير و لم تمض عليه سوى أيام قلائل سوى عضو واحد ... و حتى هذاك العضو كون ماكانش الباشا طالع يصلي ما يجيش خصوصا و أن صاحب الفضل عليه في عضويته هو الباشا السابق ، و السيد مسكين كيعبد الباشاوات و لحم كتافو من خيرهم و خميرهم .... على أي ماشي هو موضوعنا اليوم ، لي كيهمنا في هاذ المقال هوما الحجاج دياولنا لي من المفروض يكونو عبرة في الأخلاق و يكونو مشاو حجو و دارو العمرات باش يرجعو كيما ولداتهم ماتهم ماشي يزيدو فيه و ينغامسو في الرذيلة حتى النخاع ... منلوموش الأعضاء الآخرين واخا حتى هوما مفروض يبينو على واحد الحد الأدنى ديال الأخلاق بحكم تمثيلهم لسكان مدينة بحجم الكارة و لكن هاذو نقدرو نقولو أنهم باقين صغار نسبيا و مازال ما حجّو ما شبعو من الدنيا ... أرى ليا شيّاب المجلس و حجّاجه و المصيبة ماشي في كونهم غير حضروا لعرس فيه الشيخات و الشراب و قلة الحيا و لكن في كونهم شاركوا في هذه المهزلة الأخلاقية بل كانوا نجوم ذلك العرس بدون منازع ...
دنانير على الجباه و الشفار فيهم راه راه ، و لي ما شفر الغوث وراه ، واه واه على الحجاج واه واه ، الصغير فيهم الحاج لي بلاه و الكبير الكرسي شراه ، علاه يا ناس الكارة علاه .
تصوروا معي مسؤولينا الغير محترمين بهيبتهم و جلالة قدرهم و هم جالسين صفّا يقهقهون و يصفقون و أعينهم شاخصة نحو شيخات تتلوى كالأفاعي فلا يفلتون هزة بطن و لا غمزة عين و لا رفرفة شعر ولا ضربة رجل و لا رعشة قزيبة ... تصوروا معي دنانير جباههم تتلألأ بشرا بهذا اللحم النسوي و ملامح وجوههم تشع رغبة و كبتا و عيونهم تغني : " هزّ يا وزّ " واش هاذو حجاج ولا بزّ ، طزّ فيهم مسؤولين و ألف طزّ ، شحال من واحد بالضحك عليهم كزّ ، و هوما يصحبو روسهم حاكمين بالعزّ ، و أفضلهم لا يساوي دودة قزّ ، طزّ عليهم مليون ألف طز ... و المصيبة أن الشيخات عارفينهم واحد واحد أو ربما موالفينهم فترى كل شيخة قامت للرقص إلا و تبدأ بهم فتطوف متلوية أمامهم تباعا كل واحد و دوره بل إن إحدى الشيخات في لفة واحدة جمعت من عندهم (شدّو روسكم) 84000 ريال الزرقالاف تنطح الزرقالاف ، و ملي رجعات عند الكوامانجي و طلبت منّو يصرّف ليها باش ترد الصرف لشي وحدين فيهم قال ليها الشيخ : " واش هاذو مخصوصين ؟ غير ضربي الطّمّ و غادين يحشمو يطلبو الصرف ... دوك غير يتعشاو و يمشيو فحالهم " و فعلا هذا ما كان ... و تذكرت حينها مسجد دوار المعزي الغير مكتمل و تذكرت هاذ الرهوط كيضربو مسافات و يدوزو على شحال من جامع باش يطلعو يصليو فيه التراويح (حيث تما غادين يشوفوهم ناس أكثر) و قلت مع راسي علاش هاذ الكرم و الجود لي بينوه في العرس ما بينوش نصّو في بيت الله و هذاك المبلغ لي تبرعو بيه على الشيخات علاش ما تبرعوش بمثله على بيت ربّ الشيخات ؟؟؟ و عطاتهم نفوسهم يصليو في جامع ما لقاوش القيّمين عليه باش يكملوه كيما عطاتهم نفوسهم يشطحو مع الشيخات و يتبرعو عليهم و هوما حجّاج ... الحاصول الله ينعل لي ما يحشم ... مازال زاڭــورة موالفينو يدير الزبالي و عارفينو زنديق و مهرج و ملّي ناض في هاذ العرس يشطح مع الشيخات بواحد الطريقة مضحكة ما استغربناش للأمر و قلنا عبد و أنعم الله عليه فصار من عليّة القوم بصحتو و براحتو ... و لي كيعرفو زاڭــورة يتصوروه معايا نايض هاز رجل و واقف على رجل و حفيان و هاز بلغتو كيضرب بيها قزيبتو و حال فمو كيقهقه و كيخرج منو غير لكلام الزين ... زاڭــورة و من لا يعرفه.
ختاما نعدكم بأننا سنحاول الحصول على صور أو فيديوات هذا العرس و سننشرها لكم لتروا ما كتبناه بأم أعينكم حتى لا يقال عنّا أننا نتحامل على هؤلاء المسؤولين أو نظلمهم أو نزايد على فضائحهم التي أزكمت الأنوف .
صدق من قال : " البركة بركة حاج و القمزة قمزة مشّ " .... تصبّ ... تصبّو
جيتكم اليوم بواحد لخبيرة من ذاك الشي لي كيعجبكم ، حكاية كلها نشاط ، و نتوما موالين الخير أهل النشاط ... ألم يحشوا أدمغتكم بالنشاطات لسنوات ؟ ها النشاط العلمي ، ها التربية الكمنجية ، عفوا مشيت مع موضوع اليوم ، التربية الفنية ماشي الكمنجية و لكن كيف كيف أو لا لا ؟ ياك الكمنجة حتى هي من الفنون (ما يمشيش عقلكم بعيد ما جبدتش ولد الفنون العضو لا تلوحو عليا شي باطل عاود ثاني ) ... ما علينا ، لي بغيت نقول أنكم فاهمين في النشاط و كتشمو ريحتو من بعيد وانا متأكد أن أغلبكم عرفني غادي ندوي على المجلس البلدي نتاعنا و أن هذه المقدمة وهاذ اللف و الدوران ما هوما غير مليحة لتبنين طبق اليوم.
صحيح أن أغلب أعضاء مجلسنا البلدي ما قاريينش و ما بينهم و بين النشاط العلمي غير الخير و الإحسان و حتى القاريين فيه ما قراوش في النشاط العلمي و قراو غير في " التلاوة "، صحيح أيضا أن النشاط الذي من المفترض أن يكون لديهم به إلمام بحكم آهتماماتهم هو النشاط السياسي لكن الغالب الله حتى هذا ما كيفهموش فيه واخا ما كيجيش بالقراية ، و صحيح أن مجلسنا خامل كسول و لا حديث عن مجرد النشاط الجسدي الذي من المفروض أن يتحلى به من يدّعي خدمة الناس و إصلاح الأوضاع ... بقي نشاط واحد يبرع فيه أعضاء مجلسنا البلدي و يتميزون به و هو نشاط الڭـانة أو فن القصاير بل منهم من يحترفه و كياكل منو طريف دالخبز ... و هذا هو النشاط الذي أقصده ، النشاط الذي يقال عنه أنه شاط ، بل إن هذه المقولة بدورها ما كتجي لاصقة غير مع المسؤولين ديالنا حيث خصكم تعرفو علامن شاط النشاط ؟ النشاط عند المزاليط محسوب و ما كيشيط منو والو : قرعة كيتفارضو فيها رباعة كيفاش بغيتوهم يشيطو منها ؟ ها جطّي ها جطّك في كلشي و الڭـارو كيتوّزوه و الڭـاميلة كيلحسوها و حتى الشيخة الله يسترنا و يستركم كيطمعو فيها كاملين و ما يكرهوش يوزعوها حتى هي و كلها واش يطير ليه : ها لي تطير فيه رجل ، ها لي يفوز بفخذ ، ها لي يغمق و يجغمط على الأهم راكم عارفين ... النشاط محال أن يشيط عن أمثال هؤلاء و هم الكثرة ، فطبيعي أن النشاط عندنا شاط من شحال هذي و باقي كيشيط على لي كيعرفو من أين تؤكل كتف الڭـارة و لي كيبقاو ياكلو حتى كيشيط عليهم الخير بل حتى لي دايرين بيهم كياخذو حقهم و كيشيط ، و كيبقى شي ياخذ من شياطة شي حتى ما كيبقى والو للمسكين لي مخصوص (أسيدي بصحتهم ما شفنا فيهم بعين الشحمة) ... مشيت بعيد بيكم واقيلا ؟ يوا استحملوني شوية هاني جايكم ، أناغير بغيتكم تفهمو مزيان علاش كيغنيو : " الڭـارة تبان ، البوشرو يبان من حدّ ولاد زيان " مالهم ما غنّاو : " كازا تبان " واخا هي عالية و كبيرة و باينة ... لمن كتبان الڭـارة ؟ لصحاب النشاط الفاليسي الڭـرمومي و لشيخاتهم و شيوخهم و مقدميهم ، أما أنا و لا نتوما ما باين لينا و ما كيبان لينا والو من الڭـارة ... و نزيدكم الڭـارة ماشي غير كتبان من بعيد بل كتتشم حيث كلها خيرات خاص غير لي يعرف ليها و لي جا ليها كيمشي منها لاباس عليه .... و بالطبع : " لمذاكرة لحرار ما يدوزو عار " دير فيهم لي بغيتي و ما يآذيوكش ، و هم أهل الكرم : كول و شرب بإيديك و برجليك ولا من يسول فيك ...
ما علينا طولت عليكم قصتنا اليوم و ما فيها متعلقة بعرس من أعراس لمذاكرة لحرار لي ما كيدوزو عار ، يوا زيدو معايا ، تفضلو و دخلو للدار ، الحضور كثير و لعريس فار ، الضيفان فيهم لفقيه و فيهم السمسار ، بوجلابة بلحيتو كيركز و شاد التسابيح بنهار ، التقاوة أمام العباد و زايدها بالدينار ، سي الحاج هذا مرحبا أجي تسهاااار.
و بالطبع لا يكتمل عرس لأصحاب الموالاة دون دعوة المسؤولين عن بكرة أبيهم ولا تحلو مناسبة عند حاشية الفساد دون أن يتصدر مجلسها غير سيدي و مولاي بمفهوم المزاليط الذين تشرئب أعناقهم متطلعين إلى مقدم الحاج فلان و السي فرتلان كما تطاولت أعناق الخلق في زمن مضى نحو القمر يرون على صفحته ما تختزله أنفسهم المقهورة و رغباتهم الدفينة و أحلامهم المستحيلة .
و هكذا كان فلقد دعا أحد أبناء هذه المدينة (عبد الفاض...) كل أعضاء مجلسنا البلدي الموقر إلى عرس أقيم في الأيام القليلة الماضية بإحدى أحياء الكارة ، و قد حضروا جميعا تقريبا ، جاو و جابو معاهم عجاجهم يسبق حجّاجهم ، و آستغربت لتهافت قادة القوم هؤلاء على هذا العرس بشيخاته في حين لم يحضر منهم للمصلى يوم عيد الفطر الأخير و لم تمض عليه سوى أيام قلائل سوى عضو واحد ... و حتى هذاك العضو كون ماكانش الباشا طالع يصلي ما يجيش خصوصا و أن صاحب الفضل عليه في عضويته هو الباشا السابق ، و السيد مسكين كيعبد الباشاوات و لحم كتافو من خيرهم و خميرهم .... على أي ماشي هو موضوعنا اليوم ، لي كيهمنا في هاذ المقال هوما الحجاج دياولنا لي من المفروض يكونو عبرة في الأخلاق و يكونو مشاو حجو و دارو العمرات باش يرجعو كيما ولداتهم ماتهم ماشي يزيدو فيه و ينغامسو في الرذيلة حتى النخاع ... منلوموش الأعضاء الآخرين واخا حتى هوما مفروض يبينو على واحد الحد الأدنى ديال الأخلاق بحكم تمثيلهم لسكان مدينة بحجم الكارة و لكن هاذو نقدرو نقولو أنهم باقين صغار نسبيا و مازال ما حجّو ما شبعو من الدنيا ... أرى ليا شيّاب المجلس و حجّاجه و المصيبة ماشي في كونهم غير حضروا لعرس فيه الشيخات و الشراب و قلة الحيا و لكن في كونهم شاركوا في هذه المهزلة الأخلاقية بل كانوا نجوم ذلك العرس بدون منازع ...
دنانير على الجباه و الشفار فيهم راه راه ، و لي ما شفر الغوث وراه ، واه واه على الحجاج واه واه ، الصغير فيهم الحاج لي بلاه و الكبير الكرسي شراه ، علاه يا ناس الكارة علاه .
تصوروا معي مسؤولينا الغير محترمين بهيبتهم و جلالة قدرهم و هم جالسين صفّا يقهقهون و يصفقون و أعينهم شاخصة نحو شيخات تتلوى كالأفاعي فلا يفلتون هزة بطن و لا غمزة عين و لا رفرفة شعر ولا ضربة رجل و لا رعشة قزيبة ... تصوروا معي دنانير جباههم تتلألأ بشرا بهذا اللحم النسوي و ملامح وجوههم تشع رغبة و كبتا و عيونهم تغني : " هزّ يا وزّ " واش هاذو حجاج ولا بزّ ، طزّ فيهم مسؤولين و ألف طزّ ، شحال من واحد بالضحك عليهم كزّ ، و هوما يصحبو روسهم حاكمين بالعزّ ، و أفضلهم لا يساوي دودة قزّ ، طزّ عليهم مليون ألف طز ... و المصيبة أن الشيخات عارفينهم واحد واحد أو ربما موالفينهم فترى كل شيخة قامت للرقص إلا و تبدأ بهم فتطوف متلوية أمامهم تباعا كل واحد و دوره بل إن إحدى الشيخات في لفة واحدة جمعت من عندهم (شدّو روسكم) 84000 ريال الزرقالاف تنطح الزرقالاف ، و ملي رجعات عند الكوامانجي و طلبت منّو يصرّف ليها باش ترد الصرف لشي وحدين فيهم قال ليها الشيخ : " واش هاذو مخصوصين ؟ غير ضربي الطّمّ و غادين يحشمو يطلبو الصرف ... دوك غير يتعشاو و يمشيو فحالهم " و فعلا هذا ما كان ... و تذكرت حينها مسجد دوار المعزي الغير مكتمل و تذكرت هاذ الرهوط كيضربو مسافات و يدوزو على شحال من جامع باش يطلعو يصليو فيه التراويح (حيث تما غادين يشوفوهم ناس أكثر) و قلت مع راسي علاش هاذ الكرم و الجود لي بينوه في العرس ما بينوش نصّو في بيت الله و هذاك المبلغ لي تبرعو بيه على الشيخات علاش ما تبرعوش بمثله على بيت ربّ الشيخات ؟؟؟ و عطاتهم نفوسهم يصليو في جامع ما لقاوش القيّمين عليه باش يكملوه كيما عطاتهم نفوسهم يشطحو مع الشيخات و يتبرعو عليهم و هوما حجّاج ... الحاصول الله ينعل لي ما يحشم ... مازال زاڭــورة موالفينو يدير الزبالي و عارفينو زنديق و مهرج و ملّي ناض في هاذ العرس يشطح مع الشيخات بواحد الطريقة مضحكة ما استغربناش للأمر و قلنا عبد و أنعم الله عليه فصار من عليّة القوم بصحتو و براحتو ... و لي كيعرفو زاڭــورة يتصوروه معايا نايض هاز رجل و واقف على رجل و حفيان و هاز بلغتو كيضرب بيها قزيبتو و حال فمو كيقهقه و كيخرج منو غير لكلام الزين ... زاڭــورة و من لا يعرفه.
ختاما نعدكم بأننا سنحاول الحصول على صور أو فيديوات هذا العرس و سننشرها لكم لتروا ما كتبناه بأم أعينكم حتى لا يقال عنّا أننا نتحامل على هؤلاء المسؤولين أو نظلمهم أو نزايد على فضائحهم التي أزكمت الأنوف .
صدق من قال : " البركة بركة حاج و القمزة قمزة مشّ " .... تصبّ ... تصبّو
» سرقة كاميرات مراقبة من تانوية عثمان بن عفان
» مقرقب يعتدي على باعة الخبز والدرك يتجاهل شكايتهم
» عضو بالمجلس الجماعي يحتل باشوية الكارة ليلا لتسجيل محسوبين عليه في دائرته
» فضيحة الإنعاش لي طاب و ما حلاش
» هذا إنذار لأشباه الأحرار
» مقتل شخصين في حادثة سير بطريق الكارة برشيد
» خلاف حول أحقية المرور يتحول الى عراك بين قائد ومواطن
» إعتقال عضو من عصابة أولاد الصخيرية
» سرقة واغتصاب ذكر بالعنف
» الدرك يقوم بحملة تمشيطية وإلقاء القبض على العشرات
» الثلاثي الخطار
» اشتباك وتبادل السب بين رئيس بلدية الكارة وماتبقى من اعضاء مساندين له
» درك الكارة يلقي القبض على تلاتة لصوص
» القبض على صاحب مدرسة خاصة بتهمة هتك عرض قاصر
» مختل عقلي يهاجم امام مسجد دوار بلال
» حفل فندق راديسون بلو القاهرة لعملائه
» سرقة مقهي بالحي الاداري
» سرقة مقهي بالحي الاداري
» إقتحام عيادة طبية
» ورثة الفرجية يمنعون البلدية من استغال اشطيبة
» عصابة اولاد الصخيرية تختطف تاجر المخدرات والخمور (حفيظ)
» ذبحه من العنق وهرب
» قتيلين بطريق برشيد
» محاولة انتحار فتاتين بسبب نشر صور فضائحية
» سيارة تصدم امرأة وابنها
» إنتحار تلميدة
» انتحار اربعيني
» الدرك يشن حملة ضد اوكار المخدرات والخمور
» قتيل تحت عجلات شاحنة
» فندق راديسون بلو هليوبوليس القاهرة توعد نزالائها الكرام بأن توفر لهم كل ما يحتجونه بداخل وبخارج الفندق خلال اقامتهم لضمان كسب ارضائهم بنسبة مئة بالمئة.
» سيول وفقدان قطعان من المواشي وخسائر مادية
» سيول وفقدان قطعان من المواشي وخسائر مادية