شوهة الرئيسين : الحملة الانتخابية على حساب جثة

ولله حتى بصح حتى الميت كيبيعو و يشريو فيه

السلام عليكم نقول ليكم بعدا أن الموت علينا حق كاملين لكن مند حوالي عام و شهرين توفي واحد الخال عندي ( المرواني محمد ) وكانت الوفاة ديالو في أحد شوارع الكارة مما إستدعى نقله إلى المشرحة لمعرفة أسباب الوفاة مع العلم انها كانت سكتة قلبية المهم مشيت وديتو للمشرحة لي في الدار البيضاء منكدبش عرفت راسي غادي نلقا صعوبات بش نخرجو في الغد . المهم ديتو في الليل ورجعت للكارة لكن المفاجئة هي أنه جاتني إتصالات من أناس مثل الرشادي والفقيهي والقادري ومكرم باش إعزوني و إعزيو الدار , كان الأمر غريب صراحة أنا ودارنا لا علاقة لنا بهاد الناس كيفاش زعما ؟
في الصباح نفس الأمر جاتني اتصالات من نفس الأشخاص كيقولو بأنهم واقفين معايا بش نخرج الخال ديالي من المشرحة وموفرين كل الظروف باش يتم الدفن ديالو ههههههههه غريب انا خالي كان راجل عادي!!! مشيت للمشرحة لقيت مكرم صراحة وقف معايا وقفة واعرة وسوى ليا بزاف ديال الأمور
خرجنا الراجل من المشرحة وجايين للكارة لكن لقينا الفقيهي كيتسنا في نص الطريق (حد ولاد زيان) في تلك اللحضة اكتشفت انه هناك سباق بين مكرم و الفقيهي على شكون فيهم بجوج غادي يدخل الجثة للزنقة وشكون غادي يوصلها للروضة كنا غدين نتقلبو كاملين واحد باغي يسبق الأخر وسائق الإسعاف حائر ههههههه كانت الإنتخابات البرلمانية ودارو بخالي الحملة في الشارع لي كنسكن فيه و هو ميت والمشكل ملي وصلنا للشارع فين كيسكن المرحوم و كانو الناس مجموعيم يتسناو فينا كان مكرم و الفقيهي غادين يضاربو لكن الناس فكوهم وبداو في تصفية الحسابات و المعيور و كل واحد كيعير لاخر بأنه شفار و ذاك الشي أمام الناس والعائلة والجثة كذالك , بغاو يضاربو لأن مكرم سبق الفقيهي وبان في الصورة والفقيهي مبانش المهم حي ولا ميت حضي راسك في الكارة راه كاين غير النصابة لأنه باش تدير بميت حملة إنتخابية أكيد أنه معندش بوك الوالدين ولا حتى للأصل

بقلم ربيع (المدعو بولد المرواني )

عادي مادام قد انعدم
الظمير